كان حلم ياخسااااارة

ما تيجوا نتكلم عن الحلم؟؟؟

الحلم اللى كلنا بنفكر فيه

حلم الحرية

حلم الثروة و الغني

حلم العمارات و البيوت و ناطحات السحاب

حلم من غير قيود

و هوا حلم :

الهجرة

جميل انك تهاجر برا مصر صح؟؟؟ احسن حل عشان تهرب من مشاكلك...و من العيشة الغالية نار و الشقا و التعب...اكيد صح مش كدا؟؟؟

و الاجمل من كدا انك تروح تجمع ثروة من مفيش فى بلاد برا...فاكر انك هاتجمعها اول ما تنزل من المركب المخروم دا اذا نزلت منو...

دفعت كام عشان تهاجر؟؟؟ 10 تلاف...15؟؟؟ مش مهم اصلك هناك فيه مصباح علاء الدين تدعكه يطلعلك فلووس و دهب و الماظ...

بيعت ابوك و عيلتك اللى وراهم و اللى قدامهم...ضيعت مستقبلك...و رحت من غير رجوع...هاجرت هجرة غير شرعية...

المركب
لاقيته بمجاديف ...قعدت تجدف لحد اليونان ولا ايطاليا...مت من التعب فى
الطريق...المركب غرق لانو مخروم و مش هايتحملك انتا و ال300 شخص
التانيين...

مفيش حد هايقولك دا مظلوم و اتضحك عليه...كلو هايقول انتا الغلطان...لانك اخترت طريق غلط...و طريق الغلط مسدود...

و لو ربنا نجاك...هاتقول ايه؟؟؟...هاتقول:

كان حلم

طب ليه يا جماعة؟؟؟ حد يقولي فين عقل الناس اللى بتهاجر دي؟؟؟ ليه نعمل كدا فينا و فى اهالينا؟؟؟

ياريت اعرف ارآكم....

--------------------